Siyəzən Rayon Mərkəzi Xəstəxanasında (RMX) ölüm hadisəsi qeydə alınıb.
Bakıvaxtı.az-ın Oxu.Az-a istinadən məlumatına görə, 1940-cı il təvəllüdlü Lyubov Yefimovna Rurriza vəfat edib.
Faktla bağlı araşdırma aparılır.
Siyəzən RMX-dən verilən məlumata görə, ötən il dekabrın 31-də saat 14:40-da 1940-cı il təvəllüdlü şəxs (qadın) xəstəxanaya hospitalizasiya olunub.
Dəqiqləşdirilməmiş koma diaqnozu təyin edilən pasiyent Reanimasiya şöbəsinə yerləşdirilib və zəruri tibbi xidmətlər göstərilib.
Aparılan reanimasiya tədbirlərinə baxmayaraq, pasiyentin yanvarın 5-də saat 19:50-də bioloji ölüm faktı qeydə alınıb.
