İtaliyanın “Milan” klubunun baş məşqçisi Massimiliano Alleqri 2026-cı il Qış Olimpiya Oyunları öncəsi keçiriləcək Olimpiya məşəlinin estafetində iştirak edən şəxslər siyahısına daxil edilib.
90deqiqe.Az-ın məlumatına görə, bu barədə Milan təmsilçisi sosial şəbəkələrdə məlumat yayıb.
“Massimiliano Alleqriyə Milan və Kortina-d’Ampezzo şəhərlərində keçiriləcək 2026-cı il Qış Olimpiya Oyunları ərəfəsində Olimpiya məşəlini daşımaq şərəfi veriləcək. Təbrik edirik, mister!” — deyə “rossoneri”nin paylaşımında qeyd olunub.
Qeyd edək ki, Alleqri məşqçilik karyerası ərzində 2010–2014-cü illərdə də “Milan”ı çalışdırıb. Təcrübəli mütəxəssis daha əvvəl “Yuventus”, “Kalyari”, “Sassuolo” və digər klublarda da fəaliyyət göstərib. Onun aktivində A Seriyasında altı çempionluq, beş İtaliya Kuboku və üç İtaliya Superkuboku var.
2026-cı il Qış Olimpiya Oyunları 6–22 fevral tarixlərində Milan və Kortina-d’Ampezzo şəhərlərində keçiriləcək.
