Rusiya Xarici İşlər Nazirliyi bəyan edib ki, ABŞ hakimiyyəti "Mariner" tanker heyətinin üzvləri olan rusiyalı dənizçilərin vətənlərinə tez bir zamanda qayıtmasına mane olmamalıdır. Bu barədə TASS nazirliyin mətbuat xidmətinə istinadən məlumat yayıb.
Çərşənbə günü, 7 yanvar tarixində ABŞ qüvvələri Kral Hərbi Hava Qüvvələrinin köməyi ilə beynəlxalq sularda Rusiya bayrağı altında üzən Mariner neft tankerini ələ keçirib.

Pentaqon ordunun hərəkətlərini "sanksiyalaşdırılmış və qanunsuz çıxarılan Venesuela neftinə qarşı blokadanın dünyanın istənilən yerində tam qüvvədə və təsirli olduğu" ilə izah edib.
Rusiya Xarici İşlər Nazirliyi qeyd edib ki, Moskva Şimali Atlantikada Rusiya bayrağı altında üzən gəmiyə Amerika hərbi qulluqçularının minməsi ilə bağlı məlumatları diqqətlə izləyir.

Nazirlik vurğulayıb ki, "Ekipaj arasında Rusiya vətəndaşlarının olması ilə bağlı daxil olan məlumatları nəzərə alaraq, Amerika tərəfindən onlara qarşı insani və ləyaqətli rəftarın təmin edilməsini, hüquq və mənafelərinə ciddi şəkildə hörmət edilməsini və vətənlərinə tez qayıtmalarına mane olmamasını tələb edirik".

Bir müddət əvvəl Rusiya Nəqliyyat Nazirliyi açıq dənizlərdə naviqasiya azadlığının tətbiq olunduğunu və heç bir dövlətin xarici yurisdiksiyalarda qeydiyyatdan keçmiş gəmilərə qarşı güc tətbiq etmək hüququna malik olmadığını bir daha vurğulayıb.

aia.az
Tərcümə şöbəsi

• Rusiya
• Açıqlama
• Tanker
• Xarici İşlər Nazirliyi
• Qaçırılması