7 yanvar gecəsi Ukrayna Müdafiə Qüvvələrinin bölmələri Rusiya Federasiyasının Belqorod vilayətinin Kotel kəndi yaxınlığındakı Oskolneftesnab neft anbarına zərbələr endirib. Ukrayna Silahlı Qüvvələrinin Baş Qərargahının məlumatına görə, anbar işğalçı orduya yanacaq tədarükü üçün istifadə olunur. Tanklara zərbələr nəticəsində obyektdə genişmiqyaslı yanğın baş verdiyi bildirilib.
Həmçinin qeyd edilib ki, düşmənin logistikasını pozmaq cəhdi ilə Donetsk vilayətinin müvəqqəti işğal olunmuş ərazisində işğalçıların 20-ci Motoatıcı Diviziyasının anbarına zərbə endirilib. Hər iki halda dəyən ziyanın miqdarı müəyyənləşdirilir: “Bundan əlavə, ilkin zərbələr nəticəsində Rusiya Federasiyasının Yaroslavl vilayətindəki Temp strateji ehtiyat neft anbarında iki RVS-5000 şaquli saxlama çəninin zədələndiyi müəyyən edilib”, – Baş Qərargah vurğulayıb.
//Samir Qurbanov, Editor.az
