ain.az, sport24.az portalına istinadən məlumat verir.
Bu gün Azərbaycan Basketbol Liqasının (ABL) XII turu çərçivəsində iki oyun keçiriləcək. Sport24.az xəbər verir ki, hər iki qarşılaşmada B qrupunda yer alan komandalar üz-üzə gələcək.
Günün ilk matçı Qubada keçiriləcək. Bölgənin eyniadlı komandası "Ordu"nu qonaq edəcək. Quba Olimpiya İdman Kompleksində baş tutacaq görüşün start fiti saat 15:00-da səslənəcək.
Günün ikinci görüşündə "Sərhədçi" "Lənkəran"ı qəbul edəcək. "Sərhədçi" İdman Mərkəzində keçiriləcək oyun saat 20:00-da start götürəcək.
Qeyd edək ki, qrupda "Ordu" 22 xalla birinci, "Quba" 15 xalla üçüncü, "Sərhədçi" 15 xalla dördüncü, "Lənkəran" isə 14 xalla beşinci yerdə qərarlaşıb.
Sonrakı hadisələr barədə daha çox məlumat almaq üçün ain.az saytını izləyin.
