“ABŞ Prezidenti Donald Tramp Rusiyaya qarşı sanksiyaları gücləndirmək üçün ikipartiyalı qanun layihəsinə yaşıl işıq yandırıb”.
Missiya.Az xəbər verir ki, bu barədə qanun layihəsinin həmmüəlliflərindən biri, amerikalı senator Lindsi Qrem məlumat verib.
“Prezident Donald Trampla çox məhsuldar görüşdə bir sıra məsələləri müzakirə etdikdən sonra Rusiyaya qarşı ikipartiyalı sanksiyalar qanun layihəsinə yaşıl işıq yandırdı. Bu, çox vaxtında verilən qərardır, çünki Ukrayna sülh üçün güzəştə gedir, Rusiya Prezidenti Vladimir Putin isə yalnız danışır və günahsız insanları öldürməyə davam edir”, - deyə siyasətçi vurğulayıb.
Senator əlavə edib ki, qanun layihəsi Trampa Putinin müharibə maşınını yanacaqla təmin edən ucuz Rusiya nefti almağa davam edən ölkələri cəzalandırmaq imkanı verəcək.
Qraham qeyd edib ki, bu, həmçinin Çin, Hindistan və Braziliya kimi ölkələri Rusiya neftini almağı dayandırmağa təşviq etmək üçün bir vasitə rolunu oynayacaq.
"Gələn həftənin əvvəlində güclü ikipartiyalı səsverməni səbirsizliklə gözləyirəm", - deyə siyasətçi əlavə edib.
Daşqın HəsənovMissiya.Az
