Cənubi Koreya hakimiyyəti 2024-cü ilin dekabr ayında hərbi vəziyyətlə bağlı hadisələrdə iştirakına görə hərbi əks-kəşfiyyat komandanlığını ləğv etməyi planlaşdırır.
Qaziler.az-ın TASS-a istinadla verdiyi məlumata görə, bu barədə xüsusi komissiyanın sədri Honq Hyun İk bildirib.
"Biz hərbi əks-kəşfiyyat komandanlığını ləğv etməyi, təhlükəsizlik araşdırmaları, əks-kəşfiyyat və təhlükəsizlik yoxlamaları da daxil olmaqla funksiyalarını başqasına verməyi və ya tamamilə tərk etməyi tövsiyə etdik", - deyə Honq Hyun İk bildirib.
2025-ci ilin iyul ayında Seul məhkəməsi Cənubi Koreyanın keçmiş prezidenti Yun Sok Yol üçün həbs qərarı verib. Qərar onun 2024-cü ilin dekabrında hərbi vəziyyət tətbiq etmək cəhdindən irəli gəlib. O zaman prezident qərarını Şimali Koreya tərəfdarı qüvvələrin aradan qaldırılması və azad konstitusiya quruluşunun qorunması üçün zəruri hesab etmişdi. Bir neçə saat sonra parlament hərbi vəziyyətin ləğvi üçün səs vermişdi.
QAZİLER.AZ
