Ağ Evin veb saytında verilən açıqlamaya görə, Prezident Donald Tramp ABŞ-ın “artıq Amerika maraqlarına xidmət etməyən” 66 beynəlxalq təşkilat və qurumdan çıxması barədə sərəncam imzalayıb.
Bu təşkilatlardan 31-i “ABŞ-ın milli maraqlarına, təhlükəsizliyinə, iqtisadi rifahına və ya suverenliyinə zidd hərəkət edən” BMT qurumlarıdır. Trampın sərəncamına əsasən, bütün departamentlər və agentliklər bu təşkilatların maliyyələşdirilməsini dayandırmalıdırlar. Bəyanatda deyilir: “Bu, Amerika vergi ödəyicilərinin maliyyələşdirilməsinə və ABŞ-ın prioritetləri hesabına qlobalist maraqları irəli sürən və ya vacib məsələləri səmərəsiz və ya irrasional şəkildə həll edən təşkilatlarda iştirakına son qoyacaq”.
ABŞ-ın çıxdığı təşkilatların tam siyahısı Ağ Evin veb saytında mövcuddur. Bunlara Venesiya Komissiyası, BMT-nin Beynəlxalq Hüquq Komissiyası, BMT-nin Beynəlxalq Ticarət Mərkəzi, Ukrayna Elm və Texnologiya Mərkəzi, BMT Baş Katibinin Uşaqlara Qarşı Zorakılıq üzrə Xüsusi Nümayəndəsinin Ofisi və digərləri daxildir.
//Samir Qurbanov, Editor.az
