Miqrasiya siyasətinin təkmilləşdirilməsinə yönəlmiş qanun layihələrinin tezliklə Rusiya parlamentinə təqdim ediləcəyi açıqlanıb.
Ölkə.Az xəbər verir ki, bu barədə Dövlət Dumasının sədri Vyaçeslav Volodin bildirib.
Planlara əsasən, Rusiyaya üç aydan çox müddətə gələn bütün əcnəbilər üçün məcburi tibbi müayinə müddəti hazırkı 90 gündən 30 günə endiriləcək. Bundan əlavə, tibb müəssisələri aşkar edilmiş hər hansı yoluxucu xəstəliklər barədə Daxili İşlər Nazirliyinə və Rospotrebnadzora məlumat verməlidirlər ki, qanun pozucuları zərurət yarandıqda dərhal deportasiya oluna bilsinlər.
Tibbi müayinələrdən yayınmaya görə inzibati cəzalar, o cümlədən cərimələr və məhkəmə qərarı ilə deportasiya imkanı da təklif olunur. Təhlükəli xəstəliklərin olmamasını təsdiq edən sənədlərin saxtalaşdırılması və onların ticarəti üçün sərt cinayət cəzaları da müzakirə olunur.
