ain.az, Azpolitika.az portalına istinadən məlumat verir.
Ukrayna Təhlükəsizlik Xidmətinin (SBU) başçısı Vasili Malyukun rəhbərliyi ilə həyata keçirilmiş “Pautina” (“Hörümçək toru”) adlı xüsusi əməliyyat Rusiyanın strateji aviasiyasına vurduğu zərərin hələ də aradan qaldırıla bilmədiyini göstərir. Bu barədə UNIAN-ın xüsusi xidmətlərdəki mənbələri məlumat verib.
Mənbənin sözlərinə görə, məlumatlar həm də Qərb xüsusi xidmətləri tərəfindən təsdiqlənir:
“Kreml zərərlərin həqiqi miqyasını gizlətməyə çalışsa da, Rusiya hələ də bu hücumun nəticələrini aradan qaldıra bilmir və strateji aviasiya potensialını bərpa edə bilmir”,- deyə mənbə bildirib.
UNIAN-ın məlumatına görə, SBU 2025-ci il iyunun 1-də Rusiyanın arxa cəbhəsində strateji bombarder aviasiyasını məhv etmək üçün genişmiqyaslı əməliyyat həyata keçirib. Əməliyyat 1,5 ildən artıq müddətdə hazırlanıb və şəxsən Prezident Volodimir Zelenski tərəfindən nəzarət olunub. Onu isə Vasili Malyuk və SBU-nun kollektiv heyəti icra edib.
Əməliyyat zamanı Rusiya Federasiyasının dörd hərbi hava bazasına - “Belaya”, “Dyagilevo”, “Olenya” və “Ivanovo” zərbələr endirilib. Nəticədə düşmənin 41 strateji təyyarəsi məhv edilib.
“AzPolitika.info”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
