AZ

​Mourinyo biabır oldu, oyunçulardan qisas aldı

“Benfika"nın baş məşqçisi Joze Mourinyo uğursuzluq zolağından çıxa bilmir. Dünya şöhrətli mütəxəssis növbəti dəfə məğlubiyyətin acısını dadıb. Metbuat.az xəbər verir ki, "Benfika" bu dəfə doğma meydanda “Braqa”ya 1:3 hesabı ilə məğlub olub. Oyunun nəticəsindən narazı qalan azərkeşlər baş məşqçini və klib rəhbərliyini protesto ediblər.

Azərkeşlərin qarşısında biabır olan Mourinyo isə təsəllini futbolçulardan qisas almaqda tapıb. Təcrübəli baş məşqçi oyunçularına evə getməyi qadağan edib. O, futbolçuların ən azı üç gün "Benfika"nın təlim-məşq bazasında gecələyəcəyini bildirib. “Mən yatmıramsa, onlar da yatmayacaq", - məşqçi belə deyib.

Seçilən
78
metbuat.az

1Mənbələr