Səudiyyə Ərəbistanı Pro Liqasının 14-cü turunda “Əl-Nəsr” və “Əl-Qadisiya” komandaları arasında keçirilən oyun başa çatıb.
İdman.Biz bildirir ki, komandalar Ər-Riyaddakı “Əl-Əvvəl Park” stadionunda oynayıblar. Matç qonaqların 2:1 hesablı qələbəsi ilə başa çatıb.
“Əl-Qadisiya”nın hücumçusu Xulian Kinyones ikinci hissənin 51-ci dəqiqəsində hesabı açıb. Yarımmüdafiəçi Naitan Nandes 67-ci dəqiqədə qonaqların üstünlüyünü artırıb. 81-ci dəqiqədə Kriştianu Ronaldu penaltidən dəqiq zərbə vuraraq hesab arasındakı fərqi azaldıb. Portuqaliyalı hücumçu karyerasında 958-ci qolunu vurub.
