Qərar həm yerli, həm də xarici vətəndaşlara şamil olunur...
Poliqon xəbər verir ki, Venesuela Milli Assambleyasının sədri Xorxe Rodriqes ölkədə saxlanılan siyasi məhbusların dərhal azad olunması barədə qərar qəbul edildiyini açıqlayıb. Onun sözlərinə görə, bu addım təkcə Venesuela vətəndaşlarını deyil, eyni zamanda müxtəlif ölkələrin vətəndaşı olan və siyasi səbəblərlə həbsdə saxlanılan xarici şəxsləri də əhatə edir.
Xorxe Rodriqes bildirib ki, qərar ölkədə siyasi gərginliyin azaldılması və milli barışığın təmin olunması məqsədi daşıyır. O vurğulayıb ki, hakimiyyət orqanları humanitar yanaşmanı əsas götürərək, uzun müddətdir davam edən daxili siyasi qarşıdurmalar fonunda saxlanılan şəxslərin azadlığa buraxılmasını zəruri hesab edib.
Məlumata görə, yaxın saatlar və günlər ərzində müvafiq hüquq-mühafizə və məhkəmə strukturlarına bu qərarın icrası ilə bağlı göstərişlər veriləcək. Prosesin beynəlxalq ictimaiyyət tərəfindən də izlənildiyi və Venesuela rəhbərliyinin bu addımı xarici tərəfdaşlarla dialoqun bərpası baxımından mühüm siqnal kimi dəyərləndirdiyi qeyd olunur.
Poliqon.info
