Açılış mərasimində iştirak edən "ACWA Power" şirkətinin nümayəndəsi Azərbaycanın bu sahədə atdığı addımları yüksək qiymətləndirərək qeyd etdi ki, ölkədə yaradılan stabil və şəffaf mühit xarici sərmayədarların fəaliyyətini asanlaşdırır. Onun sözlərinə görə, Prezident İlham Əliyevin müəyyən etdiyi strateji xətt investorlara uzunmüddətli əməkdaşlıq üçün etibarlı zəmin yaradır və bu da tərəfdaşlığın dərinləşməsinə xidmət edir.
Prezidentin beynəlxalq platformalarda, o cümlədən COP29-da səsləndirdiyi mövqelər Azərbaycanın enerji siyasətinin qlobal baxışa əsaslandığını göstərir. Müxtəlif enerji mənbələrinin kombinasiyası üzərində qurulan bu yanaşma dünya miqyasında dayanıqlı inkişaf üçün alternativ model kimi qəbul edilir. Azərbaycanın zəngin resursları bu konsepsiyanın uğurla həyata keçirilməsinə imkan verir.
Bütün bu amillər onu deməyə əsas verir ki, "Xızı-Abşeron" Külək Elektrik Stansiyası təkcə bir layihə deyil, Azərbaycanın gələcək enerji strategiyasının mühüm mərhələsidir. Güclü siyasi iradə, düzgün planlaşdırma və beynəlxalq tərəfdaşlıq bu uğurun əsas dayaqlarıdır və bu xəttin davamlı olacağı şübhə doğurmur".
Təklifinizi, şikayətinizi bizə yazın. Sizi dinlərik. 055 634 88 31
