İran dövlət televiziyası olan IRIB ölkənin müxtəlif bölgələrində, xüsusilə Tehranda baş verən iğtişaşlarla bağlı ABŞ və İsraili ittiham edib.
Vətəninfo.az xəbər verir ki, televiziyanın səhər verilişlərinin birində bildirilib ki, baş verən hadisələr adıçəkilən ölkələr tərəfindən dəstəklənən “terrorçu qruplar”ın fəaliyyəti nəticəsində yaranıb.
Verilişdə qeyd olunub ki, iğtişaşlar zamanı ölən və yaralananlar var, eyni zamanda dövlət və şəxsi əmlaka ciddi ziyan dəyib. IRIB-in iddiasına görə, bu cür hərəkətlərin məqsədi ölkədə sabitliyi pozmaqdır.
