Amerika mediası İran hökumətindəki mənbələrə istinadən bildirir ki, Tehran İslam İnqilabı Keşikçiləri Korpusunun elit qüvvələrindən istifadə edərək İranın müxtəlif şəhərlərində etirazları dağıtmaq üçün əməliyyat hazırlayır.
“The New York Times” qəzetinin məlumatına görə, bu, yerli və Tehrandakı mülki hakimiyyət orqanlarının etiraz liderləri ilə əlaqə qura bilməməsi və ölkədə artan iğtişaşları dayandıra bilməməsi ilə əlaqədardır. Eyni hökumət mənbələri rəsmilərin iqtisadi problemlərlə bağlı xalq narazılığı dalğası qarşısında özlərini aciz hiss etdiklərini etiraf edirlər.
Məhz bu kontekstdə İİKK etirazçı şəhərlərdə asayişi bərpa etmək üçün yerləşdirilməyə hazırlanır, baxmayaraq ki, İslam İnqilabı Keşikçiləri Korpusu adətən daxili təhlükəsizlik üçün istifadə olunmur.
//Samir Qurbanov, Editor.az
