İranın Ali Lideri Ayətullah Əli Xamenei ölkədəki etirazçıların ABŞ prezidenti Donald Trampı razı salmaq üçün küçələrdə xaos yaratdıqlarını bildirib.
Əli Xamenei vətəndaşları ümidlərini Amerika prezidentinə bağlamamağa çağırıb: “Məsələn, deyək ki, onlar sadəcə Amerika prezidentini razı salmaq üçün bir binanı və ya divarı dağıdıblar. Çünki o… gülünc bir cəfəngiyat… Əgər İran hökuməti bunu etsə, mən sizin yanınızda duracağam” – deyə Əli Xamenei bildirib.
İranın Ali Lideri əlavə edib ki, Donald Trampın əlləri “mindən çox iranlının qanı ilə ləkələnib” və Amerika prezidentinin devriləcəyini proqnozlaşdırıb. O, Trampı ABŞ işlərinə diqqət yetirməyə çağırıb.
Qeyd edək ki, İranda kütləvi nümayişlər dekabrın sonlarında milli valyutanın devalvasiyası və qiymətlərə təsir edən valyuta məzənnəsinin kəskin dəyişməsi səbəbindən başlayıb. “Associated Press”in məlumatına görə, 8 yanvar axşamı Tehranda iğtişaşlar yenidən qızışıb. İnternet tamamilə bağlanıb. Donald Tramp xəbərdarlıq edib ki, etirazçılar öldürülərsə, ABŞ İrana “çox sərt” zərbə endirəcək.
//Samir Qurbanov, Editor.az
