ain.az, Ayna portalına istinadən məlumatı açıqlayır.
“Sülh artıq hədiyyə və ya arzuolunan bir yaxşılıq kimi qəbul edilmir”
Papa XIV Leo "gücə əsaslanan diplomatiyanı" pisləyib. O "çoxtərəfliliyin zəifliyinin" beynəlxalq səviyyədə narahatlıq doğurduğunu bildirib. AYNA.AZ xarici mediaya istinadən bildirir ki, Roma Papası bu barədə Müqəddəs Taxt-Tacda akkreditə olunmuş diplomatik korpusun nümayəndələri ilə görüş zamanı deyib.
XIV Leo bildirib ki, "dialoqu təşviq edən və bütün tərəflər arasında konsensusa nail olmağa çalışan diplomatiya həm fərdlər, həm də müttəfiq qrupları tərəfindən gücə əsaslanan diplomatiya ilə əvəz olunur".
O əlavə edib ki, "müharibə yenidən dəbdədir" və ona olan həvəs yayılır. Papa qeyd edib ki, müharibədən sonrakı dövrdə dövlətlərin sərhədləri pozmaq üçün güc tətbiq etməsini qadağan edən prinsip bu gün dünyada tamamilə sarsılıb.
Papa vurğulayıb ki, “sülh artıq hədiyyə və ya arzuolunan bir yaxşılıq kimi qəbul edilmir”.
Onun sözlərinə görə, hər kəs silah vasitəsilə "sülh axtarır" və bu, dinc vətəndaş birgəyaşayışının əsası olan qanunun aliliyini təhdid edir.
Hadisənin gedişatını izləmək üçün ain.az saytında ən son yeniliklərə baxın.
