Bakı, 10 yanvar, AZƏRTAC
Mərakeşin ev sahibliyi etdiyi futbol üzrə Afrika Millətlər Kubokunda ikinci yarımfinalçı məlum olub.
AZƏRTAC xəbər verir ki, ev sahibi komanda Kamerun yığması ilə qarşılaşıb. Gərgin və maraqlı keçən görüş Mərakeş millisinin 2:0 hesablı qələbəsi ilə yekunlaşıb. Bununla da komanda adını yarımfinala yazdırıb.
Daha əvvəl Seneqal 1/2 finala vəsiqəni təmin edib.
