Müəllif:Mehin Qasımova,Banco.az
"Apple" səhmləri ardıcıl doqquzuncu ticarət günündə də ucuzlaşıb.
Banco.az xəbər verir ki, cümə günü səhmlər təxminən 1,1% dəyər itirərək 1991-ci ildən bəri qeydə alınan ən uzun zərər seriyalarından birinə yaxınlaşıb.
"Apple" səhmləri daha əvvəl 2025, 2022, 2016 və 1998-ci illərdə səkkiz günlük azalma yaşasa da, ardıcıl doqquz günlük itki sonuncu dəfə 1991-ci ildə qeydə alınıb.
Şirkət səhmlərinin zəifləməsi əsasən Apple-ın süni intellekt texnologiyalarının tətbiqində rəqiblərindən geri qalması ilə bağlı narahatlıqlarla əlaqələndirilir.
2025-ci ildə "Apple" səhmlərinin təxminən 9% artacağı proqnozlaşdırılsa da, bu göstərici S&P 500 indeksinin 16%-lik artım tempindən geri qalır.
Son zərər seriyası ərzində "Apple" səhmləri ümumilikdə 5% ucuzlaşıb.
