İngiltərənin "Aston Villa" klubu Avropanın gənc istedadlarından biri hesab olunan Brayan Madjonun keçidini rəsmiləşdirir.
Fanat.Az xəbər verir ki, Birmingem təmsilçisi Fransa "Metz"ində çıxış edən 16 yaşlı hücumçu üçün 12 milyon avro ödəməyə razılıq verib.
Məşhur insayder Fabritsio Romanonun verdiyi məlumata görə, güclü fiziki göstəricilərinə görə Romelu Lukakuya bənzədilən gənc oyunçu ilə 5 illik müqavilə bağlanacaq.
Artıq Lüksemburq millisinin heyətində debüt etmiş futbolçunun yaxın günlərdə tibbi müayinədən keçəcəyi gözlənilir.
Kamil Xudiyev
