Qaynarinfo portalından verilən məlumata görə, ain.az xəbər yayır.
İmmuniteti gücləndirmək üçün meyvə istehlakı ilin istənilən fəslində faydalıdır, lakin bu, xüsusilə qış aylarında daha böyük əhəmiyyət kəsb edir. Soyuq və quru hava, eləcə də qapalı məkanlarda daha çox vaxt keçirmək virusların yayılmasını asanlaşdıra və orqanizmin təbii müdafiə mexanizmlərini zəiflədə bilər.
Qaynarinfo xəbər verir ki, bu səbəbdən dietoloqlar "Martha Stewart” üçün qışda immuniteti gücləndirən 6 ən yaxşı meyvəni sadalayıb.
Kivi - Bu meyvə leykositlərin istehsalını dəstəkləmək və infeksiyalarla mübarizə aparmaq üçün vacib olan C vitamininin əla mənbəyidir. "Bundan əlavə, tərkibində ümumi sağlamlığı dəstəkləyən və iltihabı azaltmağa kömək edən K vitamini və antioksidantlar var", deyə "Nutrition Now Counseling”in təsisçisi, qeydiyyatdan keçmiş dietoloq Loren Manaker bildirib.
Portağal - Diyetoloq Cennifer Hillisin sözlərinə görə, portağal immun sistemini gücləndirən və orqanizmin hüceyrələrini qoruyan C vitamini ilə zəngindir. Bundan başqa, portağal sitrus meyvələrinə xas olan və bitki mənşəli bir birləşmə sayılan hesperidin də ehtiva edir:
"Hesperidin antioksidant və iltihabəleyhinə xüsusiyyətləri sayəsində immun sistemini dəstəkləyən çoxsaylı faydalar təqdim edir".
Nar - Bu meyvə də bu qış immuniteti gücləndirə bilən meyvələr sırasındadır.
"Nar polifenollar da daxil olmaqla güclü antioksidantlarla zəngindir, bunlar iltihabı azaltmağa və hüceyrələri zədələnmədən qorumağa kömək edir", deyə Manaker qeyd edib.
Nar eyni zamanda C vitamini və liflə zəngindir. Diyetoloq Sima Şahın sözlərinə görə, bu maddələr bağırsaq sağlamlığını dəstəkləyir və güclü immunitet üçün bu amil həlledici əhəmiyyət daşıyır.
Manqo - "Bu meyvə immunitetlə bağlı ilk ağla gələn meyvə olmaya bilər, lakin onun parlaq narıncı rəngi əksini göstərir. Bu rəng beta-karotin kimi karotinoidlərin mövcudluğundan xəbər verir və onlar A vitamininin ilkin formasıdır", deyə Şah izah edir.
Mütəxəssisin sözlərinə görə, A vitamini immun hüceyrələrinin inkişafı və reaksiyası üçün son dərəcə vacibdir. Manqo həmçinin C vitamini, E vitamini və folatlarla da zəngindir.
Qaragilə - Şah bildirir ki, qaragilənin tərkibindəki yüksək lif və fitokimyəvi maddələr bağırsaqlarda faydalı bakteriyaların inkişafını dəstəkləyir, iltihabı azaldır və bağırsaq selikli qişasının möhkəmliyini qoruyur. Bu xüsusilə vacibdir, çünki immun hüceyrələrinin 70 faizdən çoxu bağırsaqlarda yerləşir.
"Qaragilədəki lif həzmi yavaşladır və qanda şəkərin sağlam səviyyədə qalmasına kömək edir. Xroniki yüksək şəkər səviyyəsi immun hüceyrələrinin funksiyasını zəiflədə və infeksiyalarla mübarizə qabiliyyətini azalda bilər”, deyə diyetoloq xəbərdarlıq edir.
Qreyfrut - Bu meyvə də portağal kimi C vitamini ilə zəngindir və immuniteti dəstəkləyir.
"O həmçinin flavonoidlər və karotinoidlər kimi faydalı bitki birləşmələri ehtiva edir. Bu maddələr iltihabla mübarizə apararaq və hüceyrələrarası əlaqəni yaxşılaşdıraraq immun sistemini gücləndirir”, deyə Hillis bildirib.
Qreyfrutun tərkibində folat, tiamin, B6 vitamini və riboflavin kimi B qrupu vitaminləri də var. Dietoloqun sözlərinə görə, bu vitaminlər oksidləşdirici stressi və iltihabi reaksiyaları nəzarətdə saxlamağa kömək edir.
Aydın
Hadisənin gedişatını izləmək üçün ain.az saytında ən son yeniliklərə baxın.
