Dünya üzrə təxminən 17,5 milyon Instagram istifadəçisinin şəxsi məlumatlarının sızdırıldığı bildirilir.Metbuat.az xəbər verir ki, kiber təhlükəsizlik mütəxəssislərinə görə, məlumatlar 2024-cü ilin sonlarında API sızıntısı nəticəsində əldə olunub və hazırda dark web forumlarında yayılır. Sızdırılan bazada tam adlar, istifadəçi adları, e-poçt ünvanları, telefon nömrələri, istifadəçi ID-ləri və qismən məkan məlumatları yer alır. Şifrələr daxil olmasa da, bu məlumatlar fişinq və SIM kart dəyişdirmə hücumları üçün risk yaradır.İstifadəçilər son günlər istənməyən şifrə sıfırlama bildirişlərinin artdığını bildirir. 10 yanvar 2026 tarixinə qədər Meta hadisə ilə bağlı rəsmi açıqlama verməyib.Mütəxəssislər SMS əvəzinə identifikasiya tətbiqi ilə MFA aktivləşdirməyi və şübhəli mesajlara cavab verməməyi tövsiyə edirlər.
