Afrika Millətlər Kubokunda 1/4 final mərhələsinə yekun vurulub.
Fanat.Az xəbər verir ki, son iki yarımfinalçının adına Əlcəzair – Nigeriya və Misir – Fil Dişi Sahili oyunlarında aydınlıq gəlib.
Nigeriyalılar rəqibi üzərində inamlı (2:0), Məhəmməd Salahlı Misir isə minimal (3:2) hesablı qalibiyyət əldə edib. nəticədə turnirin son qalibi Fil Dişi Sahili yığması tituldan məhrum olub.
Beləliklə, turnirin yarımfinalında Nigeriya - Mərakeş, Misir - Seneqal görüşləri keçiriləcək. Yarımfinal qarşılaşmaları 14 yanvarda baş tutacaq. Turnirin qalibi 18 yanvarda, bazar günü keçiriləcək final oyununda müəyyənləşəcək.
Qeyd edək ki, Mərakeşdə keçirilən 2025-ci il Afrika Millətlər Kubokunda 6 qrupa bölünmüş 24 komanda iştirak edib. Turnirin son qalibi 2023-cü ildə baş tutan finalda Nigeriyanı 2:1 hesabı ilə məğlub edən Fil Dişi Sahili millisidir.
