İmişli, 11 yanvar, Aydın Yavərzadə, AZƏRTAC
İmişlidə qürub çağı səmada görünən qarışıq rəng harmoniyası narıncı və çəhrayı çalarların üfüq boyunca süzülərək axşam sükutuna qarışdığı an diqqətçəkən bir mənzərə yaradıb.
AZƏRTAC-ın bölgə müxbiri xəbər verir ki, İmişli səmasında qürub çağı yaranan mənzərə təbiətin sakit və təsirli anlarından birini əks etdirib. Günəşin üfüq arxasına çəkilməsi ilə səma al, narıncı və çəhrayı çalarlara boyanıb. Buludlar rənglərin axınına qoşularaq göy üzərində yumşaq bir harmoniya yaradıb. Gün batan zamanı Kiçik Qafqaz dağlarının da uzaqdan görünən əzəməti diqqət çəkib.
