Şamaxı bu gecə yenidən seysmik hərəkətliliklə gündəmə gəldi. Yerli vaxtla saat 03:07-də rayonda zəlzələ qeydə alındı.
Doğru.az xəbər verir ki, Respublika Seysmoloji Xidmət Mərkəzinin yaydığı məlumata görə, yeraltı təkanların gücü 3 maqnitudaya bərabər olub. Zəlzələ ocağı 9 kilometr dərinlikdə yerləşib.
Gecə saatlarında baş verən yeraltı təkanlar ətraf ərazilərdə də zəif şəkildə hiss edilib. İlkin məlumata əsasən, zəlzələ nəticəsində hər hansı dağıntı və ya xəsarət qeydə alınmayıb.
DOĞRU.AZ
