İspaniya çempionu “Barselona” ölkə Super Kubokunun qalibi olub. Səudiyyə Ərəbistanının Ciddə şəhərində keçirilən final qarşılaşmasında Hans-Diter Flikin rəhbərlik etdiyi Kataloniya təmsilçisi “Real Madrid”i 3:2 hesabı ilə məğlub edib.
Gərgin mübarizə şəraitində keçən oyunda “Barselona”nın qollarını braziliyalı hücumçu Rafinya (36, 73) və polşalı forvard Robert Levandovski (45+4) vurub. Rafinya görüşdə dubla imza ataraq komandasının qələbəsində əsas pay sahiblərindən biri olub.
“Real Madrid”in heyətində isə braziliyalı Vinisius Junior (45+2) və ispan hücumçu Qonsalo Qarsiya (45+6) fərqləniblər.
Bu qələbə ilə “Barselona” İspaniya Super Kubokunu 16-cı dəfə qazanaraq turnirin rekordçusu olub. Qeyd edək ki, ötən il də Super Kubokunun finalında “Barselona” “Real Madrid”i 5:2 hesabı ilə məğlub etmiş, həmin oyunda da Rafinya iki qol vurmuşdu.
İspaniya Super Kuboku, final
Barselona – Real Madrid 3:2
Qollar: Rafinya (36, 73), Robert Levandovski (45+4) – Vinisius Junior (45+2), Qonsalo Qarsiya (45+6)
Əvəzetmə: Frenki de Yonq (“Barselona”) – 90+1
