ain.az, Qafqazinfo saytından verilən məlumata əsaslanaraq xəbər yayır.
Bu gün gənclər üçün ən böyük çağırış sadəcə diplom əldə etmək deyil, real bacarıq, praktiki təcrübə və aydın karyera yoludur. Məhz bu ehtiyacdan doğan “166 Logistika Akademiyası” 2019-cu ildən etibarən klassik tədris anlayışını dəyişərək, gənclərin gələcəyinə birbaşa təsir edən nadir platformalardan birinə çevrilib.
Akademiyanın əsasında dayanan əsas yanaşma sadədir - yalnız oxumaq yox, öyrənilənləri real iş mühitində tətbiq etmək.
“166 Yükdaşıma və Logistika” şirkətinin təsisçisi Aqil Zeynalovun təşəbbüsü ilə yaradılan bu akademiya qısa müddətdə minlərlə gəncin həyatında dönüş nöqtəsi olub. Burada tələbələr təkcə logistika sahəsini öyrənmir, eyni zamanda iş dünyasının qaydalarını, məsuliyyət anlayışını, peşəkar düşüncə tərzini və məqsəd qoyma mədəniyyətini formalaşdırırlar.
7 il ərzində 32 500 nəfər müraciət arasından seçilən gənclər üçün Logistika Akademiyası bir “təcrübə proqramı”ndan daha artıq məna daşıyıb. Bu, karyeraya açılan real qapı rolunu oynayıb. Bu gün minlərlə məzunun müxtəlif sahələrdə aktiv şəkildə çalışması akademiyanın effektivliyinin ən güclü göstəricisidir.
“166 Logistika Akademiyası” gənclərin yalnız biliklə deyil, dəyərlə, yanaşma ilə və düzgün istiqamətlə yetişdirilməsini hədəfləyir. Burada əsas məqsəd gəncləri hazır işçi kimi deyil, gələcəyin peşəkar liderləri kimi formalaşdırmaqdır.
2019-cu ildən etibarən keçirilən “166 Logistika Akademiyası” təcrübə proqramına ümumilikdə 32 500-dən artıq müraciət qeydə alınıb. Bu müraciətlərdən bütün mərhələləri uğurla keçən 573 nəfər akademiyaya qəbul olub və onlardan hal-hazırda 157 əməkdaş “166 Yükdaşıma və Logistika” şirkətində müxtəlif departamentlərdə işlə təmin edilib.
Aqil Zeynalovun rəhbərliyi ilə həyata keçirilən bu təşəbbüs bir daha sübut edir ki, düzgün qurulmuş sistem və inamla aparılan strategiya minlərlə gəncin karyerasında real dəyişiklik yarada bilər.
Sonrakı hadisələr barədə daha çox məlumat almaq üçün ain.az saytını izləyin.
