Azpolitika.az portalından verilən məlumata əsasən, ain.az bildirir.
ABŞ Prezidenti Donald Tramp yenidən bildirib ki, əgər ABŞ Qrenlandiyanı “ələ keçirməsə”, bunu Rusiya və ya Çin edə bilər. Onun sözlərinə görə, adanın faktiki olaraq öz müdafiəsi yoxdur.
“Əslində onların müdafiəsi – iki it sürüsüdür. Bunu bilirsiniz? Bəs onların müdafiəsi nədir? İki it sürüsü,” – Tramp jurnalistlərə öz təyyarəsində bildirib.
Prezident qeyd edib ki, Qrenlandiya Moskva və Pekinin təsirinin artmasının qarşısını almaq üçün ABŞ ilə razılaşma bağlamalıdır. Tramp vurğulayıb ki, məqsəd ABŞ-nin adanı “ələ keçirməsidir”. “Bunu mən prezident olduğum müddətdə heç kim etməyəcək,” – o əlavə edib.
Qeyd olunur ki, Tramp əvvəllər də ABŞ-nin ada üzərində nəzarəti təmin etməsinin vacibliyini Rusiya və Çin təhdidləri ilə izah edib. Lakin Şimali Avropa diplomatları Trampın Qrenlandiya yaxınlığında rus və çin gəmisinin mövcudluğu iddialarını təkzib edirlər.
Trampın söz açdığı “it sürüləri” isə Danimarkanın elit hərbi-dəniz bölməsi “Sirius”a aiddir. Bu bölmə XX əsrin ortalarından bəri Qrenlandiyanın şimal-şərq hissəsini patrul edir.
“AzPolitika.info”
Ən son xəbərləri və yenilikləri almaq üçün ain.az saytını izləyin.
