ain.az bildirir, Qaynarinfo portalına istinadən.
Əfsanəvi Hollivud aktrisası Meril Strip ("Medison dairəsinin körpüləri”, "Şeytan Prada geyinir”) və məşhur komediya ustası Martin Şortun evlənməyə hazırlaşdığı iddia edilir.
Qaynarinfo xəbər verir ki, bu barədə "Radar Online" nəşri mənbələrə istinadla yazır.
Onların romantik münasibəti ilə bağlı şayiələr ötən ilin yanvarında yayılmağa başlamışdı. Noyabr ayında isə cütlük Nyu-Yorkda Off-Brodvey səhnəsində nümayiş olunan "This World of Tomorrow” tamaşasına birlikdə qatılıb. Mənbələrdən birinin sözlərinə görə, Meril Strip doğrudan da aşiqdir:
"Dostlar arasında pıçıldaşırlar ki, növbəti addım toy olacaq. Martin ağıllı, çevik düşüncəlidir və təbii ki, son dərəcə gülməlidir. O, Merili güldürməyi bacarır və yumor hissi çox cəlbedicidir".
Hər iki məşhur üçün bu, ikinci evlilik olacaq. 76 yaşlı Meril Strip altı ildən artıq əvvəl həyat yoldaşı Don Qammer ilə münasibətlərini səssiz şəkildə bitirdikdən sonra yenidən sevgiyə qapı açıb. 75 yaşlı Martin Şort isə 2010-cu ildə həyat yoldaşı Nensi Dolmanı yumurtalıq xərçəngi səbəbindən itirib.
Mənbə əlavə edib: "Yəqin ki, onların heç biri həyatın bu mərhələsində yenidən sevgi tapacağını düşünmürdü. Onlar orta məktəbdə oxuyan iki yeniyetmə kimi görünürlər. Bu, çox xoş təsir bağışlayır".
Aydın
Ən son xəbərləri və yenilikləri almaq üçün ain.az saytını izləyin.
