Avropa Birliyi (AB) Komissiyasının sözçüsü Anuar El Anouni, İrandakı etirazlarda ölüm xəbərlərindən "dəhşətə gəldiklərini" bildirdi və əlavə etdi: "Yeni və daha sərt sanksiyalar təklif etməyə hazırıq".

Əl Anouni və Avropa Komissiyasının sözçüsü Paulo Pinho Brüsseldə keçirilən gündəlik mətbuat brifinqində jurnalistlərin İrandakı hadisələrlə bağlı suallarını cavablandırıblar.
Əl Anouni İrandakı etirazlarda ölüm xəbərlərindən "dəhşətə gəldiklərini" və etirazçılara qarşı "güc tətbiqini" pislədiyini bildirib və əlavə edib: "Etirazçılara qarşı zorakılıqla basqınlardan sonra yeni və daha sərt sanksiyalar təklif etməyə hazırıq".
İran İnqilab Keşikçiləri Korpusunun AB-nin terror siyahısına əlavə edilib-edilməyəcəyi ilə bağlı suala cavab verən Əl Anuni, üzv dövlətlər arasında bu məsələ ilə bağlı müzakirələrin "məxfilik qaydaları" çərçivəsində davam etdiyini və daha ətraflı məlumat verə bilməyəcəyini söylədi.

AB-nin İran etirazlarına "mümkün xarici müdaxiləni" dəstəkləyib-dəstəkləməməsi ilə bağlı suala cavab verən Əl Anuni bildirdi: "Siyasətimiz həmişə aydın olub: Rejim dəyişikliyi AB siyasətinin bir hissəsi deyil. İran vətəndaş cəmiyyətinə dəstəyimiz yeni bir şey deyil. İran xalqının azadlıq və ləyaqət arzularını dəstəkləmək üçün əlimizdə olan bütün vasitələrdən istifadə etməyə qərarlıyıq."

Pinho, İranın devrilmiş şahının sürgündəki oğlu Rza Pəhləvi kimi şəxslərlə əlaqə saxlayıb-saxlamadıqları ilə bağlı suala cavab olaraq, bunun "təəccüblü olmayacağını" söylədi, çünki Venesuela və Ukraynadakı müxalifət liderləri ilə oxşar vəziyyət yaşanmışdı.

aia.az
Tərcümə şöbəsi

• Sanksiyalar
• Siyasət
• Avropa Komissiyası
• İran