Suriya ərazisinin üçdə birini işğal edən YPG/SDG terror təşkilatı, ölkənin ən böyük su mənbəyi ilə yanaşı, enerji resurslarından da təhdid vasitəsi kimi istifadə edir.
Hələ də Suriya ərazisinin üçdə birini, əsasən Fərat çayının şərqini işğal edən YPG/SDG, ölkənin ən böyük enerji ehtiyatlarına, kənd təsərrüfatı torpaqlarına, su ehtiyatlarına və bəndlərinə nəzarəti ələ keçirib.

Təşkilat Hələbin şərqindəki Tişrin bəndinə, Rakkanın qərbindəki Tabqa və Baas bəndlərinə nəzarət edir. Dəməşq rejimindən muxtariyyət və çayın şərqindəki status-kvonu təmin etməyə çalışan təşkilat, Hələb şəhər mərkəzindəki əməliyyatı zamanı suyu əhəmiyyətli bir təhdid vasitəsi kimi istifadə etmək qabiliyyətini nümayiş etdirdi.

10 yanvarda təşkilat Hələbin şərqində, Kafse və Meskene arasında, Fərat çayının sahilində yerləşən Əl-Babiri Su Stansiyasından su vurma əməliyyatlarını dayandırdı.

Suriya Energetika Nazirliyi, stansiyanın Hələb şəhəri və ətraf kənd yerləri üçün əsas su mənbəyi olduğu barədə xəbərdarlıq edərək, fasilənin bütün əyalətə birbaşa ziyan vurduğunu, insanların həyatına və əsas xidmətlərə çıxışa mənfi təsir göstərdiyini bildirdi.
Artan etirazlardan sonra təşkilat su stansiyasını yenidən işə salmaq məcburiyyətində qaldı.

AA müxbirinin Hələbin su ehtiyacları ilə bağlı suallarını cavablandıran Hələb Su İşləri üzrə baş direktor Məhəmməd Camal Diban bildirib ki, şəhər mərkəzinin su ehtiyacının 80 faizi Əl-Babiri Su Stansiyası tərəfindən ödənilir, qalan hissəsi isə Kafse şəhərindəki stansiya tərəfindən təmin edilir.

Diban deyib: "Su stansiyaları üzərində nəzarətə ehtiyacımız var. Onların təmiri və yenidən qurulması lazımdır. Bu, Hələbin su çatışmazlığını həll edəcək".

aia.az
Tərcümə şöbəsi

• Təhdid
• Ypg
• Sdg
• Fərat Çayı