ABŞ Prezidenti Donald Tramp İranla iş görən ölkələrə 25% vergi tətbiq olunduğunu elan edib. "Bu gündən etibarən İran İslam Respublikası ilə iş görən istənilən ölkə ABŞ-la bütün işlərə 25% tarif ödəyəcək", Tramp sosial media platforması Truth Social-da yazıb.
Bloomberg-in məlumatına görə, İranın əsas ticarət tərəfdaşları Hindistan, Türkiyə və Çindir.
Daha əvvəl Ağ Evin mətbuat katibi Kerolin Levitt bildirib ki, Donald Tramp etirazların sərt şəkildə yatırılması, o cümlədən hava hücumları səbəbindən İrana qarşı hər hansı bir tədbir görməyi düşünür, lakin diplomatiyanı özünün "ilk seçimi" hesab edir.
Xatırladaq ki, İranda etirazlar 28 dekabrda Tehranda iş adamlarının milli valyutanın devalvasiyası və qiymətlərin artması səbəbindən tətil etməsindən sonra başlayıb. HRA insan haqları təşkilatının məlumatına görə, ən azı 544 nəfər həlak olub.
SAMİRƏ
