“Azərbaycanda ötən gecə 32 yeraltı təkan qeydə alınıb”.
Bunu Respublika Seysmoloji Xidmət Mərkəzinin baş direktoru Qurban Yetirmişli son iki gün Şamaxıda ardıcıl baş verən zəlzələlər haqqında Bizim.Media-ya danışarkən deyib.
MÖVZU İLƏ BAĞLI:
8 yanvarda dağıdıcı zəlzələ PANİKASI – Qurban Yetirmişlidən MÜHÜM AÇIQLAMA
O bildirib ki, ümumilikdə isə Azərbaycanın sərhəd zonası daxil olmaqla 44 zəlzələ baş verib.
“Onların içərisində hiss olunanı olmayıb. Bunlar heç biri qorxulu deyil. Yaxın günlər üçün maqnitudası 6 və ya 6-dan yuxarı zəlzələ gözlənilmir. Dağıdıcı zəlzələ ehtimalı yoxdur. O da yeraltı təkanların dərinliyinə baxır, yəni Xəzərdə olarsa, Sahildə yaşayış məntəqələrini yaxşı silkələyə bilər, amma dağıntı olmaz. Amma 6 maqnituda 8-10 kilometr dərinlikdə baş versə, çox sayda dağıntı ola bilər”.
Onun sözlərinə görə, ötən il 65 ədəd maqnitudası 3 baldan yuxarı olan yeraltı təkan qeydə alınıb. Onun da 19-u hiss olunub.
Qeyd edək ki, yanvar ayının 10-u və 11-i gecə Şamaxıda yeraltı təkanlar qeydə alınıb. Onlardan biri 3,8, digəri isə 3 maqnitudada olub.
Günay Şahmar, Bizim.Media
