Avropa Parlamentinin üzvü və Avropa Parlamentindəki "Yenilənən Avropa" qrupunun lideri Valeri Aye sosial mediada bildirib ki, Avropa İttifaqı ABŞ hökumətinin borcundan istifadə edərək Qrenlandiya məsələsinə təzyiq göstərə bilər.
HİT.az xəbər verir ki, Valeri Aye bu barədə sosial şəbəkədə yazıb:
"ABŞ hökumətinin borcuna təsir gücümüz var. Bu, hələ istifadə etmədiyimiz çox təsirli bir silahdır, amma biz bundan istifadə etməli ola bilərik və qorxmağa ehtiyac yoxdur".
Bundan əlavə, o, Vaşinqtonun Qrenlandiyaya iddiasını davam etdirəcəyi təqdirdə Avropa ölkələrinin ABŞ-ın 450 milyon istehlakçıdan ibarət bazarına çıxışını rədd edə biləcəyini irəli sürüb.
AP üzvü həmçinin "ABŞ prezidenti Donald Tramp Qrenlandiyaya hücum edərsə, NATO mövcudluğunu dayandıracaq" iddiasına da münasibət bildirib. O, Vaşinqtona göndərilən bu mesajın böyük siyasi təsirləri olduğunu, çünki amerikalıların NATO-ya inandığını deyib.
Daha əvvəl "Politico" bir avropalı diplomata istinadən Aİ ölkələrinin Qrenlandiya ilə bağlı ABŞ ilə birbaşa qarşıdurmaya hazırlaşdığını bildirmişdi. Nəşr Qrenlandiyaya müdaxilə halında ABŞ-a qarşı çəkindirmə planının hazırlanması barədə məlumat əldə etmişdi. Xüsusilə, adanın yaxınlığında NATO-nun mövcudluğunun gücləndirilməsi ehtimalı araşdırılır.
Bundan əlavə, Avropa ABŞ-ın iqtisadi cavabını istisna etmir. Danimarka Kral Müdafiə Kollecində ABŞ ordusu üzrə ekspert Tomas Krosbinin sözlərinə görə, "bu çətindir, amma mümkündür".
Samir
