Suriyanın Hələb valisi Əzzam Qarip, Şeyx Məqsud və Əşrəfiyyə məhəllələrinin YPG/SDG terror təşkilatından azad edilməsindən sonra sabitliyin bərpa olunduğunu və dövlət qurumlarının ərazidə xidmət göstərməyə başladığını açıqladı.
Jurnalistlərə danışan qubernator Qarip bildirib ki, əməliyyatın əsas məqsədi mülki şəxslərin təhlükəsizliyini təmin etmək və təhdidləri aradan qaldırmaqdır. O bildirib ki, əsasən qadınlar və uşaqlar olmaqla təxminən 155.000 insan təhlükəsiz şəkildə təxliyə edilib və müvəqqəti olaraq sığınacaqlarda yerləşdirilib, səhiyyə və sosial xidmətlərdən istifadə edə biliblər.
Qarip əməliyyat başa çatdıqdan sonra dövlət qurumlarının sahəyə daxil olduğunu və bələdiyyə xidmətləri çərçivəsində 280-dən çox işçinin və 50-dən çox ağır tikinti maşınının səfərbər olunduğunu, 5600 kubmetrdən çox söküntü və 43 tondan çox tullantı çıxarıldığını bildirdi. Bu səylər nəticəsində 19 əsas küçənin və 35 yan küçənin nəqliyyatın hərəkəti üçün yenidən açıldığı bildirildi.

aia.az
Tərcümə şöbəsi

• Xidmət
• Dövlət Qurumları
• Məhlə
• Hələb