525.az saytından əldə olunan məlumata görə, ain.az məlumat yayır.
Somali ordusu “Əş-Şəbab” terror qruplaşmasına qarşı genişmiqyaslı hərbi əməliyyat keçirib.
525.az xarici KİV-ə istinadən xəbər verir ki, bu barədə Somali Müdafiə Nazirliyi məlumat yayıb.
Bildirilib ki, Somali Milli Ordusu hava dəstəyi ilə Aşağı Şabelle bölgəsindəki Cabad Qodone yaşayış məntəqəsində “Əş-Şəbab”ın mövqelərinə zərbələr endirib.
Əməliyyat nəticəsində 17 terrorçu zərərsizləşdirilib, təşkilata məxsus çoxsaylı sığınacaq və hərbi nəqliyyat vasitələri məhv edilib.
Nazirliyin açıqlamasında Somali Milli Ordusunun “Əş-Şəbab” terror qruplaşmasına qarşı planlaşdırılan əməliyyatlarını qətiyyətlə davam etdirəcəyi və ölkənin təhlükəsizliyini, sabitliyini və ərazi bütövlüyünü təhdid edən elementlərə qarşı mübarizənin dayandırılmayacağı vurğulanıb. Qeyd edək ki, 2006-cı ildə Somalidə yaranan “Əş-Şəbab” uzun illərdir Somali hökumətinə və beynəlxalq sülhməramlı qüvvələrə qarşı hücumlar həyata keçirir.
İsgəndər Həsənov
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
