Son həftə ərzində neft qiymətləri kəskin şəkildə artıb, çünki İran xaosa qərq olub. ABŞ prezidenti Donald Tramp ölkəni bombalamaqla bağlı təhdidini reallaşdırarsa, qiymətlər daha da yüksələ bilər.
NOCOMMENT.az xəbər verir ki, Tramp yüksək neft qiymətlərinə qarşı açıq nifrət bəsləyir.
2024-cü il seçki kampaniyası zamanı o, enerji daşıyıcılarının qiymətlərini yarıbayarı azaltacağına söz verib.
O, OPEC-i benzin qiymətlərini aşağı salmaq üçün hasilatı artırmağa çağırıb; ABŞ daxilindəki “pompala, körpə, pompala” strategiyası da eyni məqsədə yönəlib. Tramp bilir ki, ucuz neft ABŞ Federal Ehtiyat Sisteminə (FRS) faiz dərəcələrini azaltmaqda kömək edəcək, hansı ki, FRS 2025-ci ildə bunu üç dəfə edib.
London mərkəzli Capital Economics şirkəti bildirir ki, hazırda dünya neftlə kifayət qədər təmin olunub, lakin ən pis ssenari – məsələn, iranlı neftçilərin tətili – qiymətləri 15-20 dollar artıraraq, keçən ilin iyununda 12 günlük İsrail-İran müharibəsində baş verən sıçrayış səviyyəsinə çatdıra bilər.
Hesabatda qeyd olunur ki, İranın Venesueladan qat-qat böyük neft istehsalçısı olması faktı onu göstərir ki, İran vəziyyəti dünya neft bazarı üçün ötən həftə Venesuelada baş verən hadisələrdən daha böyük risk yaradır.
Sara
