.jpg)
Azərbaycan Respublikasında mədəniyyət sahəsinin uzunmüddətli inkişafını nəzərdə tutan “Azərbaycan Mədəniyyəti – 2040” Mədəniyyət Konsepsiyası təsdiqlənib.
Teleqraf xəbər verir ki, Prezident İlham Əliyev bununla bağlı Sərəncam imzalayıb.
Sərəncama əsasən, milli-mənəvi dəyərlərin qorunmasını təmin edən müasir mədəniyyət modelinin formalaşdırılması, mədəniyyət sahəsində sistemli və dayanıqlı inkişafın təmin olunması Konsepsiyanın əsas məqsədləri kimi müəyyən edilib.
Konsepsiyada nəzərdə tutulan tədbirlərin əlaqələndirilməsi Azərbaycan Respublikasının Mədəniyyət Nazirliyinə həvalə olunub. Nazirlik tədbirlərin icra vəziyyəti barədə ildə bir dəfə Prezidentə məlumat verəcək və sərəncamdan irəli gələn digər məsələlərin həllini təmin edəcək.
Eyni zamanda, Konsepsiyada nəzərdə tutulan tədbirlərin icrasının monitorinqi və qiymətləndirilməsi Mədəniyyət Nazirliyinin sifarişi əsasında İqtisadi İslahatların Təhlili və Kommunikasiya Mərkəzi tərəfindən həyata keçiriləcək.
Sərəncamdan irəli gələn məsələlərin həlli isə Azərbaycan Respublikasının Nazirlər Kabinetinə tapşırılıb.
Qeyd edək ki, sərəncam imzalandığı gündən qüvvəyə minib.
