ain.az, Lent az portalına istinadən məlumatı açıqlayır.
Rusiyada azərbaycanlı oliqarx Yusif Xəlilova məxsus “Yardı Superbar” restoranı ətrafında qalmqal yaranıb.
Lent.az yerli mediaya istinadla bildirir ki, Voronej şəhərində yerləşən bu obyetkin sökülməsi gündəmə gəlib. Belə ki, şəhər meriyası obyektin sökülməsini tələb edir, arbitraj məhkəməsi isə tikililəri qanunsuz sayıb.
Digər tərəfdən yayılan xəbərlərə görə, Xəlilovla əlaqəli şəxslər restoranın leqallaşdırılması üçün meriyaya guya 15 milyon rubl məbləğində rüşvət təklif ediblər.
Məlumata görə, “Yardı Superbar” restoranının ərazisində əvvəlcə 400 kvadratmetr sahəsi olan yaşayış evi tikilməli idi. Lakin onun əvəzinə çoxsaylı artırmaları olan, ümumi sahəsi təxminən 1700 kvadratmetr təşkil edən restoran kompleksi inşa edilib.
Yusif Xəlilov
Xatırladaq ki, Voronej şəhərindəki “Yardı Superbar” restoranının və Alekseyevski bazarının sahibi olan Yusif Xəlilov ötən il rüşvət ittihamı ilə saxlanılıb. Lakin Azərbaycanda həbs olunan “Sputnik Azərbaycan”ın şef-redaktoru Yevgeni Belousov azadlığa buraxılandan sonra, Rusiya tərəfi Xəlilovu da həbsdən azad edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
