Müəllif: Tamara Mustafayeva, Banco.az
ABŞ-da istehsalçı inflyasiyası noyabr ayında enerji qiymətlərinin artması ilə əlaqədar olaraq əvvəlki aya nisbətən bir qədər artıb.
Banco.azxəbər verir ki, ABŞ-ın Əmək Statistikaları Bürosunun (BLS) məlumatlarına görə, istehsalçı qiymətləri indeksi (İQİ) aylıq əsasda 0,2 faiz artaraq proqnozlara paralel olub. İQİ əvvəlki ay 0,1 faiz artmışdı. İllik əsasda isə İQİ 3 faiz yüksələrək 2,7 faizlik gözləntiləri üstələyib.
Məlumatlar federal hökumətin 43 gün davam edən bağlanması səbəbindən gecikmə ilə açıqlanıb. Qida və enerji qiymətlərini əhatə etməyən əsas (baza) İQİ əvvəlki aya nisbətən dəyişməz qalıb, 2024-cü ilin noyabr ayı ilə müqayisədə isə 3 faiz artıb.
İstehsalçı inflyasiyasına dair bu göstəricilər, çərşənbə axşamı açıqlanan və dekabr ayında əsas istehlakçı inflyasiyasının proqnozlardan daha az artdığını, qiymət artım tempinin yavaşladığını göstərən hesabatdan sonra dərc olunub.
Bizi sosial şəbəkələrdən izləyin!!
