Maşının vurduğu qadın piyada bir həftə sonra öldü

Balakəndə maşın piyadanı vurub. Hadisə bir həftə əvvəl rayonun Qazma kəndi ərazisində baş verib.

Bizim.Media-nın yerli bürosu xəbər verir ki, yanvarın 9-da rayon sakini Sadiq Balagözov idarə etdiyi “VAZ-2115” markalı avtomobillə Balakən rayonunun Qazma kəndindən şəhər istiqamətində hərəkətdə olarkən yolu keçən piyada, 64 yaşlı Cəərey Əliyevanı vurub. Piyada aldığı xəsarətlərdən dünən xəstəxanada vəfat edib.

DİN-in Mətbuat Xidmətinin regional qrupundan bildirilib ki, faktla bağlı cinayət işi başlanılıb, istintaq aparılır.

Tural Rasim oğlu, Bizim.Media, Şimal-Qərb bürosu

• Ölüm
• Qadın
• Maşın
• Piyada
• Balakən