“Barselona”nın sabiq müdafiəçisi Jerar Pike İspaniya Kral Kubokunda “Real”ın “Albasete”yə məğlubiyyətinə ironik reaksiya verib.
QOL.az xəbər verir ki, 1/8 final mərhələsində “Karlos Belmonte” stadionunda keçirilən oyunda meydan sahibləri 3:2 hesabı ilə qalib gəlib. Pike sosial şəbəkə hesabında paylaşım edərək yazıb: “Yeni Madrid ‘Real’ı üçün yaxşı debüt. 3:2”.
Qeyd edək ki, “Real” bu məğlubiyyətlə turnirlə erkən vidalaşmalı olub. Qarşılaşma eyni zamanda komandanın yeni baş məşqçisi Alvaro Arbeloanın debüt oyunu idi. O, bu vəzifədə Xabi Alonsonu əvəzləyib.
