Ajans.az Daily Mail qəzetinə istinadən xəbər verir ki, ilk dəfə olaraq Mercury-nin qızına “Bibi” deyə müraciət etdiyini və onun haqqında bir neçə mahnı yazdığını üzə çıxarıb. Bu faktlar ötən ilin yayında yazıçı Lesli Ann Cons tərəfindən nəşr olunan və böyük rezonans doğuran “Love, Freddie” adlı kitabda yer alıb. Lesli Ann Cons bildirib ki, Freddie Mercury qızını sevgi ilə “trésor” (xəzinəm) və “kiçik qurbağam” deyə çağırırmış. Müəllif həmçinin Queen qrupunun “Bijou” və “Don’t Try So Hard” mahnılarının məhz onun haqqında yazıldığını iddia edib. Mərhumun həyat yoldaşı Tomas Daily Mail nəşrinə açıqlamasında bildirib ki, o, nadir rast gəlinən onurğa xərçəngi — xordoma xəstəliyi ilə uzun müddət mübarizə apardıqdan sonra dinc şəkildə dünyasını dəyişib. Onun doqquz və yeddi yaşlarında iki oğlu qalıb.
