Onlar qətldə, adam öldürməyə cəhddə, qətldə iştirakda və dövlət məmuruna qarşı zorakılıqda ittiham olunurlar. Müttəhimlər bu ittihamları rədd edirlər.
Xatırladaq ki, ötən il iyunun 27-də Rusiyanın təhlükəsizlik qüvvələri Yekaterinburqda Səfərovlar ailəsinin üzvlərinin yaşadığı müxtəlif ünvanlarda əməliyyat keçirib. Əməliyyat zamanı Hüseyn və Ziyəddin Səfərov qardaşları ölümcül döyülüb, bir neçə nəfər, o cümlədən qətlə yetirilənlərin qardaşı Bəkir Səfərov müxtəlif dərəcəli bədən xəsarətləri alıb.
 |
| Yekaterinburq cinayətinin pərdəarxası |
Bu cinayət işi ilə bağlı 2025-ci ilin iyulunda həbs olunan Mütvala Şıxlinski barəsində məhkəmə həbs qətimkan tədbiri seçib. Şahin Şıxlinski ötən il avqustun 2-də Moskvada həbs edilərək Yekaterinburqa aparılıb. Avqustun 24-də isə məhkəmə onun barəsində həbs qətimkan tədbiri seçib.
Qeyd edək ki, Azərbaycanın Xarici İşlər nazirliyi, bir sıra dövlət qurumalrı və ictimaiyyəti Rusiyada soydaşlarımıza qarşı qeyri-insani hərəkətlərə öz sərt etirazını bildirib. Səfərov qardaşlarının döyülərək öldürülməsi və digər soydalaşlarımızın işgəncələrə məruz qalması ilə bağlı Azərbaycanın hüquq-mühafizə orqanları tərəfindən istintaq tədbirləri həyata keçirilib.
Sahil İsgəndərov
AzVision.az
