ain.az bildirir, Cebheinfo portalına istinadən.
İki aya yaxın bir müddətdə Türkiyədə saxlanılan və “Ramiz Mehdiyev işi”nə görə axtarışda olan Gültəkin Hacıbəylinin Azərbaycana verilməməsinin səbəbi məlum olub.
elə ki, prosesin gecikməsinin səbəbi hüquqi prosedurların mərhələli şəkildə aparılmasıdır.
Bu, Gültəkin Hacıbəylinin özünün sosial şəbəkə hesabında Türkiyənin Milli İstihbarat Təşkilatının (MİT) başqanı İbrahim Kalına müraciətində aydın olub. O, bildirib ki, artıq iki aya yaxındir ki, Türkiyədə Çatalca Geri Göndərmə Mərkəzində qapalı həbsxana şəraitində saxlanılır:
“Ötən gün İstanbul İdarə Məhkəməsi barəmdəki deportasiya qərarının dayandırılması ilə bağlı müraciətimə baxaraq şikayətimi təmin etməyib. Bu gün isə Ankara İdarə Məhkəməsi üzərimə qoyulmuş G-82 kodunun götürülməsi ilə bağlı müraciətim əsasında İstanbul Valiliyinə sorğu göndərib. Xatırladım ki, G-82 kodu mənim hansısa terror təşkilatına üzv olmağım şübhəsinə görə verilib. İstanbul Valiliyi Köç İdarəsi Ankara İdarə Məhkəməsinin sorğusuna verdiyi cavabda göstərib ki, onlar Türkiyə MİT-nin 19.11.2025 tarixli 197899223 saylı yazısına əsasən bu kodu mənim üzərimə qoyublar. Bu koda əsasən mənim Türkiyə dövlətinin təhlükəsizliyi üçün təhlükə yaratdığım bildirilir”.
Gültəkin Hacıbəyli daha sonra Türkiyə MİT-ini ittiham etməyi də özünə rəva bilib. O qeyd edib ki, MİT heç bir əsas və dəlil olmadan, tamamilə uydurma və saxta bir məlumat təqdim edərək, onu adı və varlığı bilinməyən, real həyatda olmayan xəyali bir terror təşkilatına üzvlükdə suçlayır.
Əslində isə Gültəkin Hacıbəylinin iddiaları əsassızdır. Gültəkin Hacıbəyli və onun təmsil olunduğu Milli Şura “Ramiz Mehdiyev işi”nə görə istintaqa cəlb ediliblər. Ramiz Mehdiyev isə ölkədə hakimiyyəti zorla dəyişməyə və dövlət çevrilişi hazırlamağa görə ev dustaqlığındadır. Prezident Administrasiyasının sabiq rəhbəri Ramiz Mehdiyev isə Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
Bu iş üzrə AXCP sədri Əli Kərimli və Milli Şuranın üzvü Gültəkin Hacıbəyli və digərlərinin olması ilə bağlı istintaqda müəyyən sübut və şübhələr üzə çıxdığından Əli Kərimli həbs olunub. Gültəkin Hacıbəyli isə ölkədə olmadığından onunla bağlı sorğu göndərilib.
Onu da xatırladaq ki, Ankara İdarə Məhkəməsi “G-82” kodunu qüvvədə saxlasa, Gültəkin Hacıbəyli məcburi şəkildə Azərbaycana təhvil veriləcək.
"Cebheinfo.az"
Açar sözlər:
Gültəkin Hacıbəyli Ramiz Mehdiyev işi Türkiyə Milli Şura
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
