ICE əməkdaşının ABŞ vətəndaşını öldürməsi ilə bağlı suala Ağ Evin mətbuat katibi sərt reaksiya verilib...
Poliqon xəbər verir ki, Ağ evin mətbuat katibi Kerolayn Levitt immiqrasiya və gömrük polisi (ICE) əməkdaşının ABŞ vətəndaşını güllələyərək öldürməsi ilə bağlı verilən suala görə jurnalisti qərəzlilikdə ittiham edib və onu “solçu fəal” adlandırıb. Hadisə mətbuat konfransı zamanı baş verib.
“The Hill” nəşrinin icmalçısı Nayl Steneyc Minnesotada keçirilən reyd zamanı 37 yaşlı Rene Qudun ICE əməkdaşı tərəfindən öldürülməsinə toxunaraq sual verib. Jurnalist ICE nəzarətində olan şəxslər arasında ölüm statistikası ilə Qudun ölümü faktını xatırladaraq, bunun administrasiyanın ICE-in “hər şeyi düzgün etdiyinə” dair açıqlamaları ilə necə uzlaşdığını soruşub. Buna cavab olaraq Kerolayn Levitt bildirib ki, Nayl Steneyc jurnalist deyil, “sol baxışlara malik qərəzli reportyor” və “faktları çatdırmayan solçu fəaldır”.
Levitt əlavə edib ki, jurnalistlərin qeyri-qanuni miqrantların əli ilə öldürülən günahsız amerikalılar haqqında yazdıqlarını nadir hallarda oxumaq mümkündür. Onun sözlərinə görə, ICE-in qadın və kişi əməkdaşları cəmiyyətləri daha təhlükəsiz etmək üçün əllərindən gələni edirlər. Bu fikirlər ABC telekanalına istinadla yayılıb, Kerolayn Levitt.
Xatırladaq ki, yanvarın 7-də ICE əməkdaşı Rene Qudu güllələyib. Hadisədən sonra Minneapolis şəhərinin meri Ceykob Frey ICE-dən “şəhəri tərk etməyi” tələb edib. Eyni zamanda, Minnesotanın hakimiyyəti ştatda immiqrasiya və gömrük nəzarəti qüvvələrinin yerləşdirilməsinə görə ABŞ federal hökumətinə qarşı məhkəmə iddiası qaldırıb. Bu proseslərin ardınca Minnesotada və ABŞ-nin bir sıra digər ştatlarında kütləvi etiraz aksiyaları keçirilib.
Poliqon.info
