2025-ci ilin yekunlarına görə, Qazaxıstan neftinin Aktau limanından Bakı-Tbilisi-Ceyhan (BTC) boru kəmərinə daşınması 1,3 milyon ton təşkil edib.
Qazaxıstanın milli neft-qaz şirkəti “KazMunayQaz”ın məlumatına görə, 2026-cı il üçün gözlənilən həcm 1,6 milyon tona qədərdir.
Ötən ilin sonunda Xəzər Boru Kəməri Konsorsiumu sistemi vasitəsilə Qazaxıstan neftinin daşınmasında yaranan məhdudiyyətlər səbəbindən neft KazTransOil (KTO) sistemi vasitəsilə digər ixrac marşrutlarına yönləndirilib. Təxminən 300 min ton neftin ixracı KTO sistemi vasitəsilə Almaniya, Çin, Bakı-Tbilisi-Ceyhan, eləcə də Novorossiysk və Ust-Luqa limanlarına yönləndirilib.
