“Tehranın Türkiyəyə qarşı bitməyən düşmənçiliyinə baxmayaraq, biz ABŞ Prezidenti Donald Trampın hədəfində olan İranı dəstəkləyirik. Çünki İranın sülhü və bütövlüyü bizim üçün öz ölkəmiz qədər vacibdir. Həqiqətən də, ötən gün Türkiyənin xarici işlər naziri Hakan Fidan jurnalistlərə müsahibəsində İrana hərbi müdaxilənin qarşısını almaq üçün gərgin səylər göstərdiklərini bildirib”.
Missiya.Az xəbər verir ki, bu sözləri türkiyəli jurnalist Nuh Albayrak deyib.
“Lakin bu dəstək İranı çox sevdiyimiz anlamına gəlmir. Bəzi mühafizəkarlar İranla əlaqəli ola bilər və onlar İranı tərifləmək üçün onunla rəqabət aparırlar! Lakin İranı "İslam Dövləti" və "Türkiyəyə dost" kimi təqdim etmək absurddur”, - deyə o vurğulayıb.
Albayrak bildirib ki, İranın Türkiyəyə qarşı düşmənçiliyi yalnız ideologiya ilə məhdudlaşmır:
“Bu, hər fürsətdə tətbiq olunur. İran 40 ildir ki, PKK-ya sığınacaq verib. Bundan əlavə, ABŞ Suriyaya yük maşınları ilə silah göndərərkən, əsl lojistik və strateji dəstək Dəməşqin arxasında gizlənən İrandan gəlirdi. Hətta indi də YPG-nin terror təşkilatı kimi mövcudluğunu təmin etmək üçün ABŞ və İsraillə çiyin-çiyinə çalışır. İranın İsrailə qarşı düşmənçiliyi "qarşılıqlı fayda strategiyasından " qaynaqlanır. Praktikada, Türkiyəyə qarşı düşmənçiliyi İsrailə qarşı düşmənçiliyindən xeyli əvvəl yaranıb”, - deyə jurnalist əlavə edib.
Daşqın HəsənovMissiya.Az
