Oxu.az portalından alınan məlumata görə, ain.az xəbər verir.
"Bakı Metropolitenində əl yüklərinə görə əlavə ödəniş nəzərdə tutulması haqqında yayılan məlumatlar həqiqətə uyğun deyil".
Bunu Oxu.Az-a açıqlamasında "Bakı Metropoliteni" QSC-nin İctimaiyyətlə əlaqələr şöbəsinin rəisi Bəxtiyar Məmmədov deyib.
"Bu məlumatın nəyə əsasən yazıldığını deyə bilmərəm, amma metroda əl yüklərinin daşınması ilə bağlı hər hansı bir yenilik yoxdur.
Əl yüklərinin daşınması ilə bağlı Nazirlər Kabinetinin "Bakı Metropolitenindən istifadə qaydaları" haqqında müvafiq qərarı var və həmin qərar da 2010-cu il, 19 oktyabr tarixindən qüvvədədir. Həmin qərarda da "əlavə ödəniş" anlayışı yoxdur.
Qərarın 2-ci bəndində sərnişinlərin vəzifələri aydın şəkildə sadalanıb. 2.2-ci bəndində isə göstərilib ki, sərnişinlər uzunluq, en və hündürlük ölçülərinin cəmi 121 sm-dən 200 sm-ə qədər olan hər bir əl yükü üçün, eləcə də uzunluğu 151 sm-dən 220 sm-ə qədər olan uzunölçülü hər bir əl yükü üçün gediş haqqı ödəməlidirlər. Göründüyü kimi heç bir əlavə ödəniş tələbindən söhbət getmir", - deyə B. Məmmədov vurğulayıb.
Əzizə İsmayılova
Hadisənin gedişatını izləmək üçün ain.az saytında ən son yeniliklərə baxın.
